Amaitu dira Añorgako futbol-zelaia eraberritzeko lanak.

2024-10-21

Igande honetan egin da Añorgako futbol zelai berrituaren inaugurazio ekitaldi ofiziala. Futbol zelai berriak aste batzuk zeramatzan entrenamendu eta partidetarako erabiltzen.

Hiru hilabete iraun duten berritze-obrek 888.466 euroko inbertsioa ekarri dute, eta horietatik 250.000 euro Donostia Kirolak jarri ditu Udalaren bitartez.

Eremua berritzea taldeen eskaera historikoa zen, instalazioak zaharkituta geratu baitziren eta ez baitziren egokiak ematen zaien erabilera intentsiborako. Egindako lanen artean honako hauek sartzen dira: belar artifiziala eta zoladura ordezkatzea, jokalekua zabaltzea eta lekualdatzea arauzko gutxieneko neurriak gainditzeko, argiztapena hobetzea, bai eta drainatze-sistema, saneamendua eta ureztatze-sistema automatikoa instalatzea ere.