Donostia Kirolak Urrezko Kirol Txartelaren edizio berri bat antolatu du, 2023an beren kirol-modalitateetan gehien nabarmendu diren hiriko kirolarien merezimenduak aitortzeko. Ekitaldia Donostiako udaletxeko osoko bilkuren aretoan egin da.

Aurten 64 txartel eman zaizkie Espainiako txapelketetan podiumera iritsi diren edo Europako edo Munduko txapelketetan parte hartu duten banakako 61 kirolariri, eta 3 Espainiako edo Kopako txapeldunen titulua lortu duten edo euren modalitateko maila goreneko liga lehenengo postuan amaitu duten taldeei.

Sari honek barne hartzen du Kirol Txartelaren harpidetza doan 2024an kirolari guztientzat, beraz 110 kirolarik baino gehiagok eskatu ahal izango dute abonu hori doan.

Era berean, garrantzitsua da nabarmentzea donostiarrek arrakasta handia lortu duten kirol-modalitateen aukera zabala. Guztira, 25 kirol-modalitate jasotzen dira zerrenda honetan.

Aurten ere, emakumezko kirolarien eta taldeen presentzia handia nabarmendu behar da. Izan ere, aurten, banakako kirolarien eta saritutako taldeetako kideen artean, Donostiako kirolari garrantzitsuenen zerrendaren %61 osatzen dute, Donostia Estatu mailan erreferente bihurtu duen hirian emakumeen kirolak duen garrantziaren isla.

Azkenik, aurten 10 urte bete dira aitorpen horrekin hasi zenetik, eta, beraz, aipamen berezia egin nahi izan zaie hamarkada honetan Donostiako kirolean emaitza bikainak lortu dituzten kirolariei: munduko eta Europako txapeldunak, kirolari olinpikoak, etab.