Datorren martxoaren 17an, astelehena, Donostia Kirolak eta Kirol Kontseilu Goreneko Gazte Kirola Fundazioak Kirolean haurrak babesteko ordezkariak prestatzeko jardunaldia antolatu dute. Jardunaldia Anoeta Estadioko 0 Ateko aretoan izango da, 16:00etatik 20:00etara.

Jardunaldia Gazte Kirola Fundazioaren ESID (Kiroleko Haurrentzako Ingurune Seguruak) proiektuaren barruan kokatzen da. Proiektu horren helburua da haurren aurkako indarkeria prebenitzeko, babesteko, tratu ona emateko eta LOPIVIa kirol entitate eta federazioetan aplikatzeko lana zabaltzea, haurrentzat eta nerabeentzat kirolean espazio seguruak sortzeko.

Iñaki Alonso Romero Kiroleko Haurren Eskubideetan eta Laguntza Humanitarioan nazioarteko adituak emango du jardunaldia, eta haur eta nerabe guztiek inolako indarkeriarik gabe kirola egin ahal izateko ingurune seguruak eta babesleak sortzeko beharrezkoak diren gaitasun eta trebetasun praktikoak garatzera bideratuta egongo da.

Izena emateko epea zabalik dago, eta doakoa da aretoa bete arte.

 IZEN-EMATEAK