Donostiak Belar Hockeyko 16 urtez azpiko selekzioen Espainiako Txapelketa hartuko du martxoko lehen asteburuan

2024-02-23

Otsailaren 29tik, osteguna, martxoaren 3ra, igandea, Donostia hiriak Gizonezkoen eta Emakumezkoen Selekzio Autonomikoen arteko 16 urtez azpiko Espainiako Txapelketa hartuko du. Txapelketa aurkezteko ekitaldian Gipuzkoako Hockey Federazioko presidentea, Eli Yarza,, Marta Pastor GFAko Kirol zuzendaria eta Iñaki Gabarain, Kiroletako eta Bizitza Osasungarriko zinegotzia.

Guztira 21 selekzio izango dira, eta azken urteetan maila hauetan parte hartze handiena izango duen txapelketa da. Emakumezkoetan hamar selekziok hartuko dute parte: Katalunia, Kantabria, Madril, Andaluzia, Galizia, Valentzia, Asturias, Kanariak, Aragoi eta Euskadi. Gizonezkoetan, berriz, berdinak izango dira, Murtziakoaz gain.

Egun horietan, 45 partida jokatuko dira bi instalaziotan: Atletiko San Sebastian-en zelaian, Bera Beran, eta Zubietako udal zelai berrian, hipodromoko aparkalekuaren ondoan; azken horrek, gainera, martxoaren 3an hartuko ditu finalak.

Instalazio berria jasotzen duen lehen txapelketa handia izango da, non emakumezkoen Realak Ohorezko A Mailan jokatzen dituen partidak. 500 ikuslerentzako harmailak eta kirolarientzako erosotasun guztiak dituen eremua da. Gaur egun, Estatu osoan dagoen instalaziorik onenetakoa da.

Gipuzkoako Belar Hockey Federazioko presidentea, Eli Yarza, ilusioz gainezka agertu da hitzordu honen aurrean: “Oso pozik gaude parte hartze hain handia duen tamaina honetako txapelketa bat hartzeaz. 21 selekzio hartuko ditugu eta hori erronka garrantzitsua da antolakuntza mailan. Badakigu jokalari asko senide eta lagunekin etorriko direla eta giroa bikaina izango dela. Jende asko inplikatu da txapelketa hau posible izan dadin, eta eskerrak eman behar dizkiegu egindako ahaleginagatik.”

Yarzak espero du txapelketa hau egiteak belar-hockeya deszentralizatzen lagunduko duela. Izan ere, Donostiari oso lotuta dago, urteetan zehar izan den jokaleku bakarra hartzen duelako, eta Lasarte-Oriako, Usurbilgo eta Andoaingo ikastetxeek, besteak beste, gure kirol fisikoa praktikatzearen eta sustatzearen alde egitea erabaki dezaten.

Txapelketa jarduera jasangarri bihurtzeko apustuan, parte-hartzaile bakoitzak litro erdiko botila birziklatu eta jasangarri bat jasoko du. Horrela, plastikozko hondakinen ekoizpena murrizten saiatuko gara, bi instalazioetan dauden txorrotetan bete ahal izango baitute botila.

Espainiako, Euskadiko eta Gipuzkoako federazioek antolatu dute txapelketa, Eusko Jaurlaritzaren, Gipuzkoako Foru Aldundiaren eta Donostiako eta Lasarte-Oriako Udalen babesarekin, eta belar-hockeyaren pizgarri izateko pentsatuta dago. Gure lurraldean, historikoki, taldeak egon dira goragoko mailetan, Reala eta Donostiako Atletiko erreferentetzat hartuta.

Ekitaldia aprobetxatuz, Gipuzkoako Federazioa hainbat hockey saio egiten ari da ikastetxeetan, eta ostegun eta ostiraleko partidetara gonbidatuta joango dira. Era berean, sustapenaren arloan, martxoaren 2an Donostian eta martxoaren 3an Lasarten egingo diren Hockey Show RFEH Tour Experience bi saioak nabarmendu behar dira.