Ikastaroetan segurtasun eta higiene neurri berriak

2020-10-27

Eusko Jaurlaritzak COVID19 prebenitzeko hartu dituen azken neurriei dagokienez, Kirol Ekintzetako ikastaroetan izena eman dutenei puntu hauek jakinarazi nahi dizkiegu:

• Donostia Kirolak udal-kiroldegietan antolatutako kirol-ikastaro guztiak mantentzen dira.
• Aretoen edukiera %50era murrizteak ez dio eragiten izena eman duten pertsonen kopuruari, murrizketa hori aurreikusita baitzegoen kanpaina hasi zenetik.
• Jarduera-geletan, hiru eremu markatuko dira kolore desberdineko puntuen bidez, eta ikastaroetako ikasleak eremu berean jarri beharko dira beti. Hala, talde desberdinak egongo dira (gehienez 6 pertsona), eta ezingo dute elkarrekin jardun klaseetan.
• Igerilekuko ikastaroetan, ikasleak gehienez ere sei pertsonako taldetan banatuko dira, eta horiek ez dute eraginik izango ikastaroak emateko orduan edo lekuan.
• Maskararen erabilera nahitaezkoa da instalazioko eremu guztietan (igerileku-ontziaren barruan izan ezik), eta kirol-jarduera handiko uneetan ez da erabiliko. Ildo horretatik, kirol-jarduera bizitzat hartzen dira Cross training, ziklo indoor, aerobic, Latinzumba, GAP, aerofit, TRX, konbinatua eta tonifikazioa ikastaroak.
• Jarduera-gela eta igerileku guztiek airea etengabe berritzeko sistema automatikoa dute; beraz, ez dago leihoak ireki beharrik dauden aretoetan.
• Aldagelak ez erabiltzea gomendatzen da eta, betiere, ezarritako edukiera errespetatzea eta ahalik eta denbora gutxienean bertan egotea. Haurren igeriketa ikastaroetan, igerilekuetako dutxetan dutxatzea eta arropa aldatzeko bakarrik erabiltzea gomendatzen da.