Donostiarrak Klubak eta EHUk antolatutako Udaberriko Lasterketak hogeigarren edizioa beteko du aurten eta igande honetan, martxoak 17, ospatuko da 10: 00etatik aurrera. Irteera eta helmuga UPV/EHUren Donostiako Campusean daude. Ibilbidea Tolosa etorbidetik, Kontxa pasealekutik, San Martin kaletik, Zurriola hiribidetik eta Saguestik igarotzen da, eta handik abiapuntura itzultzen da Alde Zaharretik eta Kontxa eta Ondarreta pasealekutik.

Lasterketak 10.000 metroko ibilbidea du, eta 1.200 pertsona baino gehiago daude izena emanda. Antolatzaileek nabarmendu dutenez, emakumeen parte-hartzea hazi egin da, guztizkoaren % 36.

Aurtengo edizioak Korrika osasuna da leloa du, eta Donostiako Batxilergoko hiru ikastetxetako ikasleen artean kirola sustatzeko ekimen bat jarri da abian, lasterketa hori eskola-curriculumean sartuz.

Lasterketak helburu solidarioa ere badu, eta aurten Zaporeak elkartera bideratuko dute dortsala, Greziara iristen diren errefuxiatuei elikadura duina eskaintzea helburu duena.

 Informazio gehiago