1. Hasiera
  2. Izapideen katalogoa
  3. Egoitza unitate soziosanitarioak

Egoitza unitate soziosanitarioak

Egoitza unitate soziosanitario bat ekipamendu espezifiko bat da, baliabide materialak eta giza baliabideak dituena (medikuak, erizainak eta zaintzaileak), gerontologia zentro bat baino gehiago dena. Ekipamendu ireki bat da, non behar sozial eta sanitarioak dituzten pertsonak bizi baitira, besteekin batera, eta jarduerak partekatzen baitituzte. Antzekoak dira antolaketa eta bizi estiloa hemen eta adineko pertsonen egoitza batean. Gipuzkoako Foru Aldundiaren Gizarte Politiketako Departamentua da espedientearen izapidetzearen eta ebazpena egitearen arduraduna. Hala ere, eskabidea Donostiako Udaleko Gizarte Zerbitzuen bidez egin behar da.

Norentzat

Aldi baterako eta zentro berean arreta sanitarioa eta sozial integratuak behar dituzten pertsonak. Arreta maila hori baliabide sanitarioaren eta baliabide sozialaren erdibideko bat da.
Ikusi baldintzak hemen

Noiz eskatu

Urte osoan zehar

Beharrezko agiriak

Ikusi eskabidea eta dokumentazioa hemen

Eranskinen gehienezko tamaina: 10 Mb

Ordaindu beharreko kopurua

Ebazteko epea eta isiltasunaren zentzua

Aurreikusitako epea: Hilabete bat

Legezko epea: 3 hilabete

Isiltasunaren zentzua: Aurkakoa

Prozeduraren urratsak

  1. Gizarte Zerbitzuetan aurretiazko hitzordua eskatzea.
  2. Gizarte langilearekin elkarrizketa bat izatea, premien azterketa bat egiteko.
  3. Baldintzak betetzen direla egiaztatzea.
  4. Eskaera eta dokumentazioa erregistratzea.
  5. Eskabidea Gipuzkoako Foru Aldundiko Gizarte Politiketako Departamentura bidaltzea.
  6. Gipuzkoako Forua Aldundiak ebazpena ematea eta erabiltzaileari jakinaraztea.
  7. Eskabidea baliabidearen sarbiderako itxaron zerrendan sartzea, hala badagokio.

Izapideen arduraduna

Departamentua: Gizarte Ekintzaren Zuzendaritza

Araudia

12/2016 Foru Dekretua, maiatzaren 24koa, zeinaren bidez aldatzen baita 2015eko ekainaren 2ko 15/2015 Foru Dekretua, Gipuzkoako Lurralde Historikoan mendekotasuna dutenentzako arreta zentroen erabiltzaileen ekarpen ekonomikoaren araubidea arautzekoa

87/2015 Foru Dekretua, abenduaren 15ekoa, gehieneko ekarpenak onartzekoa, 2015eko ekainaren 2ko 15/2015 Foru Dekretuak, Gipuzkoako Lurralde Historikoan mendekotasuna dutenentzako arreta zentroen erabiltzaileen ekarpen ekonomikoaren araubidea arautzekoak, ezarritako zerbitzuetan

Bestelako informazioa

Egoitza soziosanitarioetako egonaldiak osasun sistemako edo gizarte sistemako profesionalek sustatu ditzakete, interesatua ados egonez gero (edo legezko ordezkaria edo izatezko jagolea).
Argibide gehiago

Eskubideak

Interesdunek eskubidea dute Donostiako Udala haien datu pertsonalak tratatzen ari den ala ez dioen baieztapena jasotzeko. Bestalde, hurrengo eskubideak ere badituzte:

  • Haien datu pertsonaletara sarbide izateko.
  • Okerrak diren edo osatugabe dauden datuen zuzenketa eskatzeko.
  • Ezabatzea eskatzeko eskubidea, datuak jaso ziren beharrizanetarako jada beharrezkoak ez direnean
  • Datuen tratamendua mugatzea. Kasu horretan, Udalak erreklamazioen aurrean defendatzeko edo haiek egikaritzeko gordeko ditu soilik.
  • Datuen tratamenduaren aurka egitea. Kasu horretan, Udalak datuak tratatzeari utziko dio, salbu eta arrazoi legitimo larriak baldin badaude edo erreklamazio posibleen defentsa edo egikaritza badago.

Eskubide horiek Donostiako Udalaren aurrean, tratamenduaren Arduraduna denez, edo aukeran, tratamenduaren Eragilearen aurrean, egikaritu daitezke, modu on line edo presentzialean.

Eskubideen egikaritzan behar den arreta jaso ez baduzu, Datuen Babeserako Euskal Bulegoaren aurrean erreklamazioa jarri ahal izango duzu. Helbidea: Beato Tomás de Zumárraga, 71 3. solairua - 01008 Vitoria-Gasteiz. Hala ere, Udalaren datuen babesaren ordezkariarekin jarri zaitezke harremanetan, zure datuen tratamenduarekin erlazionatutako edozein afera dela eta.

Izapidearen egoera
Epe barruan
Presentziala
Zerikusia duten izapide nabarmenak
Desgaitasunaren balorazioa
Etxez etxeko laguntza udal zerbitzua (ELZ)
Desgaitasuna duten pertsonei zuzendutako eguneko zentroak
Buruko gaixotasun kronikoa duten pertsonei zuzendutako errehabilitazio psikosozialeko zentroa
Adineko mendeko pertsonentzako eguneko zentroak
Buruko gaixotasuna duten pertsonentzako egoitza iraunkorrak edo aldi baterakoak
Desgaitasun bat duten pertsonentzako egoitza iraunkorrak edo aldi baterakoak
Mendekotasunaren balorazioa
Adineko mendeko pertsonentzako egoitza iraunkorrak edo aldi baterakoak
Izapideak egiteko laguntza