Donostia Kirolaren udako denboraldia erabiltzaileen errekor berriarekin amaitu da

2023-09-20

Donostia Kirolaren udako denboraldiak marka berria hautsi du bere instalazioetan. Dagoeneko itxi dira Etxadi, Intxaurrondo eta Altzako kanpoko igerilekuak, eta, guztira, 550.000 erabiltzaile baino gehiago izan dituzte. Horrek esan nahi du iazko udan baino %11 gehiago izan direla.

Iñaki Gabarain Kiroletako eta Bizitza Osasungarriko zinegotziak nabarmendu du “Donostia Kirolaren kirol-instalazioen udako arrakasta, eta, horien artean, Altzako kiroldegia berriro nabarmendu da, erabiltzaile kopurua handitzen jarraitzen baitu, Donostian funtsezko instalazio gisa finkatuz.

Hala, Altzako kiroldegiak %15 handitu du erabiltzaile kopurua udan, eta 95.000 erabiltzaile izatera iritsi da, Yoldik 109.481 sarbide soilik gaindituta. Kanpoko igerilekuak dituzten beste bi instalazioei dagokienez, Etxadik 70.067 erabiltzaile izan ditu (% 2,5 gehiago), eta Intxaurrondo, 54.417 sarbiderekin, uda honetan erabilera jaitsi duen udal kirol-instalazio bakarra da (% 3,3 gutxiago).

Kirol-ekipamenduetarako sarrera gehienak Kirol Txartelarekin egin dira (516.361 sarrera), eta gainerakoak eguneko sarrerekin (16.586 sarrera salduta) edo 10 erabilerako bonuekin (1.089 bonu salduta). Uztailaren 10ean izan zen jende gehien bildu zen eguna, 8.739 pertsona hurbildu baitziren udal kiroldegietara.

Erabilerari buruzko datu historiko hori Kirol Txartelaren bazkide berrien kopuruan ere islatzen da. Horrela, denboraldi horretan, Kirol txartelean abonatutako pertsonen 3.500 alta berri erregistratu dira, egindako edo berritutako hileko 7.169 abonamenduez gain.