Gazteen Antzerki Topaketa

Gazte antzerkia, sormena eta kultur parte-hartzea

Gazte Antzerkiaren Erakustaldiak parte-hartzaileei aukera ematen die beren lanak hiriko kultur espazio profesional eta ezagunetan taularatzeko. Era berean, gazteen sormen-prozesuak bultzatu eta egiten duten kultur lana ikusgarri bihurtzea du helburu.

Aurtengo edizioan Donostia, Errenteria, Oiartzun, Arrasate eta Bilboko taldeek parte hartuko dute. Programatutako 20 lanetatik:

• 13 euskaraz izango dira

• 5 gaztelaniaz

• 2 elebidun

Parte-hartzaileak bi kategoriatan banatuko dira:

• Junior: 14 eta 18 urte bitarteko gazteak

• Senior: 18 eta 30 urte bitarteko parte-hartzaileak

 

Sei agertoki Gazte Antzerkiaren Erakustaldirako

Antzezpenak Donostiako hainbat kultur gunetan egingo dira:

• Antzoki Zaharra

• Victoria Eugenia Club Aretoa

• Gazteszena

• Intxaurrondo Kultur Etxea

• Lugaritzeko Imanol Larzabal Kultur Etxea

• Kontadores Gazte Zentroa

Donostia Gazteriaren eta Donostia Kulturaren arteko lankidetzari esker, antzerki talde gazteek hiriko erreferentziazko agertokietan erakutsi ahal izango dituzte euren lanak

 

Epaimahaia eta sariak

Aurtengo epaimahaia honako aktore gazte hauek osatuko dute:

• Garazi Urkola

• Maialen Sorzabalbere

• Aiora Enparantza

Amaiera ekitaldian sari hauek banatuko dira:

• Antzezlan onena

• Talde artistiko onena

• Eszenaratze onena

Saritutako taldeek antzerki ikuskizunetarako sarrerak jasoko dituzte eta, antzezlan onenaren kasuan, obra berriz taularatzeko aukera ere izango dute.

Horrez gain, talde irabazleetako kideek prestakuntza espezializatu osagarri batean parte hartu ahal izango dute.

 

Amaiera ekitaldia eta taldeentzako laguntza

Sari banaketa eta amaiera festa ekainaren 20an, 12:00etan, egingo dira Victoria Eugenia Antzokiko Club Aretoan.

Antolakuntzak laguntza ekonomikoa ere eskainiko die talde guztiei ekoizpen gastuei eta behar teknikoei aurre egiteko. Gainera:

• Sergio Haro Filmsek emanaldi guztiak grabatuko ditu

• Talde bakoitzak bere emanaldiaren kopia jasoko du

• Antzezlan bakoitzak bere kartel propioa izango du sustapen material gisa

 

Sarrerak eta salmenta

Sarreren prezioa 3 eurokoa izango da.

Donostia Kulturako espazioetan egingo diren emanaldietarako sarrerak maiatzaren 4tik aurrera eskuratu ahal izango dira Donostia Kulturaren webgunean (www.donostiakultura.eus) eta kultur guneetako leihatiletan.

Kontadores Gazte Zentroko emanaldietarako sarrerak, berriz, emanaldiaren egunean bertan erosi ahal izango dira leihatilan.

 

2026ko edizioaren irudia eta zabalkundea

Aurtengo kartel ofiziala Usandizaga ikastetxeko Publizitate Grafikoko goi-mailako zikloko ikasleek sortu dute. Aurkeztutako lan guztien artean, Laura Oncalaren proposamena aukeratu da edizio honetako irudi ofizial gisa.

Gainera, aurten ekitaldiaren zabalkundea indartu da euskarri grafiko eta digital berrien bidez, besteak beste:

• Antzezlan bakoitzerako kartelak

• Programaren esku-orriak

• Oihalezko poltsak

• Banner digitalak

• Sare sozialetarako story eta reelak

 

Informazio gehiago

2026ko Gazte Antzerkiaren 37. Erakustaldia Donostia Gazteriak, Donostia Kulturaren laguntzarekin, antolatu du

• www.donostia.eus/gazteria
• Instagram: @DssGazteria