Jardueren azalpena
AEROBICA
Musikaren erritmoari jarraituz egiten den kardiobaskular izaerako jarduera gimnastikoa da. Ariketak koreografiari loturik egiten dira. Koreografia materialaz lagundurik (stepak, pisuak…) edo materialik gabe egin daiteke, indartu nahi den gorputz atalaren arabera.
BIZKORKETA
Jarduera zuzenduta, musika gida moduan erabiltzen delarik. Jarduera hau osatzen duten ariketa ezberdinen bitartez, giharrak bizkortu,artikulazioak indartu eta iraupena zein indarra garatzen dira.
CROSS TRAINING
Erabateko egokitze fisikorako programa da, eta, mugimendu funtzionalen bidez, oinarrizko gaitasunak lantzen ditu: erresistentzia, indarra, malgutasuna, potentzia, abiadura, koordinazioa, arintasuna, oreka eta doitasuna.
Intetsitateko ariketa funtzional askotarikoen bitartez, gaitasun fisiko guztiak landuko dira. Edozein pertsonak praktikatu dezake, oso erraza baita norberaren gaitasun fisikoetara egokitzea.
DEFENTSA PERTSONALA - HAPKIDOA
Korearra den norberaren defentsarako metodoa. Oso teknika zuzenetan eta sendoetan oinarrituta, jaso dezakegun edozein erasori aurre egiteko. Integrala eta purua den borroka-arte bat da. Mota guztietako teknikak, kolpeak eta distantziak eta erasotzaileari geldiarazi eta menderatu ditzaketen presio puntu eta eremuak lantzen dira.
GAP
Taldekako jarduera da, eta musikaren erritmoa jarraituz luzaketa eta bizkortzeko ariketak egiten dira, batez ere ipurmasaila, abdominalak eta hanketako giharrei zuzendutakoak.
ARRAUNA SURFA
Itsasoan egiten den jarduera da, SURFA taula baten gainean, zutik eta arraun baten laguntzarekin.
IGERIKETA 5-12 HILABETE
Haurtxoaren garapen ebolutiboaren prozesua indartzea du helburu jarduera honek, uretako jarduera asko praktikatzearen bitartez, motriz, fisiko eta psikiko bizipen asko izatea bilatzen, haurtxoen artean, eta guraso eta haurtxoen artean sortzen diren erlazioarekin batera.
Oharra: umearengan konfiantza duen pertsona heldu batek haurrari laguntzen dio uretan eta klaseetan aktiboki parte hartzen du oinarrizko ariketak eginez.
IGERIKETA 1-2 URTE
Jokoa da haurraren bizitza, honen bidez bere nahiak, ilusioak, frustrazioak eta gatazkak adierazten ditu. Ondorioz, gure programaren ardatz nagusi izango da eta haurraren garapenean eragiteaz gain, gurasoei irakatsiko diegu jokoaren bidez beraien seme-alabekin erlazionatzen.
Beraien arteko maitasun eta konfiantzarengan eragin nahi dugu, esperientzia errepikaezin batean parte hartuz, eta haien arteko erlazio kognitibo eta afektiboa sendotuz.
Oharra: umearengan konfiantza duen pertsona heldu batek haurrari laguntzen dio uretan eta klaseetan aktiboki parte hartzen du oinarrizko ariketak eginez.
UMEENTZAKO IGERIKETA
Ur jardueretako irakaskuntza metodologia berriei egokituz, Donostia Kirolak ikastaroen formatu berritzaileari ekingo dio, non irakaskuntza ume bakoitzaren ezaugarri eta beharrei egokituko zaien. Era honetan, haurrek talde homogeneo batean ikasiko dute eta ur-eremuari bere egokitzapenaren progresioa kontutan izango da.Irakaskuntza prozesua bi mailatan egituratzen da. Lehendabiziko mailak ur-eremuari egokitzapen eta ohitzeari zuzenduta daude (1. maila-Zapaburu eta 2. maila-Marmoka). Ondorengo hiru mailek (3. maila-Piraña, 4. maila-Marrazoa eta 5. maila-Izurdea) trebetasun eta gaitasun konplexuagoei ekingo diete, ur-eremuan gorputzaren kontrol osoa menperatu arte eramango dutenak.
IGERIKETA HAURDUNENTZAT
Ikuspegi fisiko zein psikologikotik, ariketa fisiko neurriduna lantzea abantaila ugari dituela haurdun dagoen emakumearentzat: erlaxazioa, gihar minak lasaitzea, arnasketa hobetzea eta zirkulazioa ere…
Ikastaroak
Ikastaroak